Forskriftens innhold

Forskrift om fråhaldsplikt for personell som utfører oppgåver som gjeld tryggleiken ved jernbane, medrekna sporveg, tunnelbane og forstadsbane mv. (fråhaldspliktforskrifta).

§ 1. Virkeområde mv.

Forskrifta gjeld personell som utfører oppgåver som gjeld tryggleiken ved jernbane, medrekna sporveg, tunnelbane og forstadsbane, mv.

Med personell meinast personar som gjer teneste for jernbaneverksemda.

Jernbane omfattar også kabelbane i forskrifta her.

§ 2. Personell ved jernbane som er omfatta av promillegrense og fråhaldsplikt mv. i jernbanelova

Personell som utfører følgjande oppgåver ved jernbane er omfatta av krava i jernbanelova § 3a og § 3b:

utfører trafikkstyring
utfører funksjonar knytte til drift av kabelbaner
fører rullande materiell
utfører eller leier skifting
utfører trafikktryggingsoppgåver om bord i tog, medrekna beredskapsoppgåver
har ansvaret for tryggleiken ved arbeid og aktivitetar i og ved spor
vurderer tilstanden til rullande materiell i operativ drift og dei tekniske funksjonane til køyrevegen med omsyn til trafikktryggleiken.

§ 3. Plikter for den som driv jernbaneverksemd

Den som driv jernbaneverksemd plikter å informere personell som utfører arbeidsoppgåver som nemnte i § 2 om krava i forskrifta her. Dette fråtek ikkje personell som er nemnte i § 2, ansvaret for sjølve å kjenne reglane som gjeld for utføringa av oppgåvene.

§ 4. Ikraftsetjing

Forskrifta setjast i kraft frå 1. januar 2007.

Frå same dato blir forskrift 6. august 1993 nr. 782 om pliktmessig avhold for personer ved driftsavdeling ved jernbaner, sporveier, tunnelbaner og forstadsbaner for befordring av personer eller gods oppheva.

Sist oppdatert: 10.12.2025 04:00 | Kilde: Lovdata (NLOD 2.0)

🔗 Se ogsa pa Lovdata

Apne forskriften pa Lovdata →