Forskriftens innhold
Mellombels forskrift om handtering av enkelte innsynskrav som blir fremja overfor kommisjonen som skal gå gjennom og trekkje lærdom frå styresmaktene si handtering av covid-19-utbrotet i Noreg (Koronakommisjonen)
§ 1. Handtering av enkelte innsynskrav som blir fremja overfor kommisjonen som skal gå gjennom og trekkje lærdom frå styresmaktene si handtering av covid-19-utbrotet i Noreg (Koronakommisjonen)
Koronakommisjonen kan bestemme at krav om innsyn i dokument som er oversende frå organ som er omfatta av offentleglova, og som gjeld styresmaktene si handtering av covid-19-utbrotet, andre tilhøve tilknytt dette utbrotet eller emne som elles er omfatta av mandatet til kommisjonen, skal behandlast av avsendarorganet.§ 2. Behandling av innsynskrav som har kome inn til Koronakommisjonen før forskrifta tok til å gjelde
Dersom Koronakommisjonen har innsynkrav som nemnt i § 1 under behandling når forskrifta her tek til å gjelde, kan kommisjonen bestemme at innsynssaka skal overførast til og avgjerast av avsendarorganet.§ 3. Iverksetjing og oppheving
Forskrifta tek til å gjelde straks og blir oppheva når Koronakommisjonen har avslutta arbeidet sitt.
Sist oppdatert: 10.12.2025 04:00 | Kilde:
Lovdata (NLOD 2.0)
