Høyringssvar til Justis- og beredskapsdepartementet
Stord, Fitjar og Bømlo kommunar har gått saman om å gi innspel til Justis- og beredskapsdepartementet om forslag til endringar i konfliktrådslova, straffelova, straffeprosesslova, politiregisterlova, vegtrafikklova, konfliktrådsforskrifta, påtaleinstruksen, politiregisterforskrifta og tapsforskrifta.
Endringsforslaga knyt seg i hovudsak til dei strafferettslege reaksjonane ungdomsstraff og ungdomsoppfølging, som gjeld for barn under 18 år. I tillegg blir det føreslege å opne for gjennomføring av varetekt som opphaldspåbod med elektronisk kontroll for alle aldersgrupper. Forslaga kan sjåast i samanheng med Justis- og beredskapsdepartementet si høyring hausten 2020 om "Forslag til endringer i konfliktrådsloven, straffeloven, straffeprosessloven mv. - strafferettslige reaksjoner og tvangsmidler for ungdom."
Kommunane ligg alle under geografisk driftseining (GDE) Stord og har felles politikontakt. Stord, Fitjar og Bømlo kommunar har på fleire område eit interkommunalt samarbeid. I alle tre kommunane blir det jobba etter SLT-modellen og kvar kommune har sin eigen SLT-koordinator. Kommunane har laga eit felles utkast til høyringssvar og innspela blir handsama i kvar enkelt kommune før dei blir sendt til Justis- og beredskapsdepartementet. SLT-koordinatorane har samarbeida om utarbeidinga av innspela, i samarbeid med kommunane sin politikontakt.
Kommunane synest overordna at forslaga til endringar er gode. Me har likevel valt å løfte fram nokre punkt som me vil uttale oss om.
Endringsforslaga knyt seg i hovudsak til dei strafferettslege reaksjonane ungdomsstraff og ungdomsoppfølging, som gjeld for barn under 18 år. I tillegg blir det føreslege å opne for gjennomføring av varetekt som opphaldspåbod med elektronisk kontroll for alle aldersgrupper. Forslaga kan sjåast i samanheng med Justis- og beredskapsdepartementet si høyring hausten 2020 om "Forslag til endringer i konfliktrådsloven, straffeloven, straffeprosessloven mv. - strafferettslige reaksjoner og tvangsmidler for ungdom."
Kommunane ligg alle under geografisk driftseining (GDE) Stord og har felles politikontakt. Stord, Fitjar og Bømlo kommunar har på fleire område eit interkommunalt samarbeid. I alle tre kommunane blir det jobba etter SLT-modellen og kvar kommune har sin eigen SLT-koordinator. Kommunane har laga eit felles utkast til høyringssvar og innspela blir handsama i kvar enkelt kommune før dei blir sendt til Justis- og beredskapsdepartementet. SLT-koordinatorane har samarbeida om utarbeidinga av innspela, i samarbeid med kommunane sin politikontakt.
Kommunane synest overordna at forslaga til endringar er gode. Me har likevel valt å løfte fram nokre punkt som me vil uttale oss om.
Forenkling av det rettslege rammeverket for ungdomsstraff og ungdomsoppfølging
Me er samde i at føremålet med å sikre ein heilskapleg praksis er viktig og at forslaget vil kunne føre til at norsk rett er meir i samsvar med FN sin barnekonvensjon.
Informasjonsdeling under ungdomsstraff og ungdomsoppfølging
Kommunane er positive til ei tydeleggjering av ungdomane sin rett til medverknad. I praksis ser me ikkje at dette er utfordringar hos oss no, då me klarer å få samtykke til å dele naudsynt informasjon. Me ynskjer å trekke fram at det er viktig at det ligg presiseringar i forhold til kva informasjon som skal delast og kva informasjonen skal brukast til.
For å kunne gi god hjelp og at ein skal kunne lage eit godt team rundt barnet, må naudsynt informasjon kunne delast. Det er viktig at hjelparane snakkar same språk. Me tenkjer at lovendringa kan vere positiv med tanke på å kunne gi god hjelp i dei tilfella der ein ikkje får samtykke til deling av informasjon. Det er viktig at det blir presisert at det må gjerast ein god jobb med å informere om kvifor informasjonsdelinga er sentral for å gi god hjelp.
For å kunne gi god hjelp og at ein skal kunne lage eit godt team rundt barnet, må naudsynt informasjon kunne delast. Det er viktig at hjelparane snakkar same språk. Me tenkjer at lovendringa kan vere positiv med tanke på å kunne gi god hjelp i dei tilfella der ein ikkje får samtykke til deling av informasjon. Det er viktig at det blir presisert at det må gjerast ein god jobb med å informere om kvifor informasjonsdelinga er sentral for å gi god hjelp.
Elektroniske og digitale kontrolltiltak
Me er positive til nytt lovforslag, då me tenkjer at den straffedømte i større grad kan oppretthalde positive og viktige element i kvardagen. Til dømes vil heimesoning kunne innebere at ein kan oppretthalde positive nettverk.