Dato: 28.06.2022 Svartype: Med merknad Nynorsk kultursentrum er ei stifting som har som føremål å auke kunnskapen og medvitet om nynorsk skriftkultur nasjonalt og internasjonalt. Vi takkar for høvet til å delta i denne høyringa. Vurdering av situasjonen for nynorsk spesialt Produksjonstilskot til nyheits- og aktualitetsmedium er eit viktig språkpolitisk verkemiddel. Ordninga er omtalt i kapittel 5.2 i Prop. 108 L Lov om språk. Den språkpolitiske dimensjonen ved omlegginga av endringa er i liten grad omtalt i høyringsnotatet. Det er viktig at Kultur- og likestillingsdepartementet tek det språkpolitiske sektoransvaret på alvor, og legg vekt på dette i utgreiingar og politikkutforming. Den same proposisjonen legg stor vekt på den språkpolitiske dimensjonen i mediepolitikken. I § 1 i språklova er mindretalsansvaret offentlege styresmakter har for nynorsk presisert ved at det «omfattar ei særleg ansvar for å fremje nynorsk som det minst bruka norske skriftspråket». I merknadene til lova er dette presisert ytterlegare: «Tredje ledd lovfestar eit prinsipp om å vurdere situasjonen for nynorsk som mindretalsspråk spesielt – til dømes i politikkutvikling eller regelverkspraktisering som gjeld norsk språk. Føresegna slår fast at det er mindretalsposisjonen til nynorsk som utløyser eit spesielt behov for å fremje nynorsk. «Fremje» skal tolkast slik at det er pålagt det offentlege å auke bruken av nynorsk på ein måte som går vidare enn det som følgjer av særlovgjeving i §§ 12 til 18.» Nynorsk kultursentrum ventar at ein vurderer situasjonen for nynorsk som mindretalsspråk spesielt før Kultur- og likestillingsdepartementet fastset endeleg forskrift om produksjonstilskot til nyheits- og aktualitetsmedium. Støttar § 12 om ekstra nynorsktilskot Nynorsk kultursentrum ser at det kan vere føremålstenleg å samordne og forenkle støtteordningane. Nynorsk kultursentrum er positive til at departementet i § 12 fører vidare ekstra nynorsktilskot til vekeaviser gjennom at dette er eit eige kriterium for nasjonale nummertomedium og nasjonale nisjemedium. NK meiner at ekstra nynorsktilskot for lokale nummertomedium og nummerein- og aleinemedium burde vore vurdert for å sikre at forskrifta reelt «fremmer nynorsk», slik intensjonane er i språklova. Med venleg helsing Per Magnus Finnanger Sandsmark direktør Nynorsk kultursentrum Kultur- og likestillingsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
