Helse Bergen gir med dette innspel til rettleiar om teieplikt, opplysningsrett og opplysningsplikt i heile forvaltninga. Ein slik rettleiar bør raskt kunne gje presis informasjon til praktisk nytte for brukarane ved behov.
Rettleiaren gir oversikt over reglane som gjeld i dei ulike forvaltningsområda, og gir svar på mange vanskelege spørsmål. Den grundige gjennomgangen av regelverket innan alle områda, gjer diverre at rettleiaren blir lang, med ein innfløkt struktur med mange underpunkt. Då kan det ta tid å leite seg fram til riktig svar.
Innan helseretten finst det allereie ein rettleiar om teieplikt, opplysningsrett og –plikt. ( Taushetsplikt og opplysningsplikt - Helsedirektoratet ) . Dersom slike rettleiarar manglar innan andre forvaltningsområder, bør dei bli laga. Fagspesifikke rettleiarar bør så bli gjort tilgjengelege via lenker, slik at fokuset i rettleiaren for heile forvaltninga blir i kva grad regelverket opnar for å dele opplysningar, jamfør det som er peika på i innleiinga til rettleiaren for heile forvaltninga; «at det særlig er taushetspliktens unntaksbestemmelser som er lite kjent» . Vidare kunne ein i større grad gitt svar på vanskelege spørsmål om handtering av teieplikt i samarbeidssituasjonar. Det ville òg gjort rettleiaren meir praktisk og brukarvenleg.
Det går fram av rettleiaren at den skal kunne bli brukt av personar utan juridisk bakgrunn. Etter Helse Bergen si vurdering vil ein lettare nå eit slikt mål dersom det var gitt fleire eksempel på problemstillingar som oppstår ved samarbeid på tvers, og kva unntak frå teieplikta som kan brukast i ulike tilfelle. Dette ville gjort reglane tilgjengelege i den praktiske kvardagen i forvaltninga. Rettleiaren hadde også vunne seg på klarspråk og ein enklare struktur.
Vi gjer elles merksam på at under punkt 8.5.2 er det ein feil. Der står det følgjande: «Er barnet 16 år, skal både barnet og foreldrene informeres.» Der skal det vel stå: «Er barnet under 16 år…»
Rettleiaren gir oversikt over reglane som gjeld i dei ulike forvaltningsområda, og gir svar på mange vanskelege spørsmål. Den grundige gjennomgangen av regelverket innan alle områda, gjer diverre at rettleiaren blir lang, med ein innfløkt struktur med mange underpunkt. Då kan det ta tid å leite seg fram til riktig svar.
Innan helseretten finst det allereie ein rettleiar om teieplikt, opplysningsrett og –plikt. ( Taushetsplikt og opplysningsplikt - Helsedirektoratet ) . Dersom slike rettleiarar manglar innan andre forvaltningsområder, bør dei bli laga. Fagspesifikke rettleiarar bør så bli gjort tilgjengelege via lenker, slik at fokuset i rettleiaren for heile forvaltninga blir i kva grad regelverket opnar for å dele opplysningar, jamfør det som er peika på i innleiinga til rettleiaren for heile forvaltninga; «at det særlig er taushetspliktens unntaksbestemmelser som er lite kjent» . Vidare kunne ein i større grad gitt svar på vanskelege spørsmål om handtering av teieplikt i samarbeidssituasjonar. Det ville òg gjort rettleiaren meir praktisk og brukarvenleg.
Det går fram av rettleiaren at den skal kunne bli brukt av personar utan juridisk bakgrunn. Etter Helse Bergen si vurdering vil ein lettare nå eit slikt mål dersom det var gitt fleire eksempel på problemstillingar som oppstår ved samarbeid på tvers, og kva unntak frå teieplikta som kan brukast i ulike tilfelle. Dette ville gjort reglane tilgjengelege i den praktiske kvardagen i forvaltninga. Rettleiaren hadde også vunne seg på klarspråk og ein enklare struktur.
Vi gjer elles merksam på at under punkt 8.5.2 er det ein feil. Der står det følgjande: «Er barnet 16 år, skal både barnet og foreldrene informeres.» Der skal det vel stå: «Er barnet under 16 år…»