Dato: 12.06.2020 Interesseutvalet for rv. 52 og rv. 5 Att.: Arnstein Menes arnstein.menes@sogndal.kommune.no Tlf. 41 67 27 33 Sogndal, 2.3.2020 Til Samferdsledepartementet postmottak@sd.dep.no (levert på nettet) Kopi: Viken Fylkeskommune og Vestland Fylkeskommune Innspel frå Interesseutvalet for rv. 52 og rv. 5 til NTP for 2022-2033 Interesseutvalet for rv. 52 og rv. 5 består av kommunane Gol, Hemsedal, Lærdal, Sogndal, Sunnfjord, Kinn og Gloppen. I høve føreståande arbeid med ny NTP for 2022 til 2033 har Interesseutvalet følgande innspel til arbeidet for å betre aust vest regulariteten: Høgast prioriterte tiltak: • Rv. 52 Planlegging av og investering i ny tunnel Borlaug – Bjøberg (Bjøbergtunnelen) Andre viktige tiltak: • Planlegging av tiltak Gol – Robru • Rv. 52 og rv. 5 Planlegging av og investering i sentrumsløysingar frå Florø til Gol – herunder særskilt ny veg gjennom Hemsedal og Førde (RV5/E39). • Rassikring på rv. 5, rv. 52, E16 og E39 Bakgrunn for prioriteringa: Rv. 52 over Hemsedalsfjellet saman med E16 hovudarm til Bergen samt Rv. 5/ E39 som arm til Ålesund opnar heile Vestlandet mot Austlandet for både person og næringstrafikk. Vegane knyter kystnæringane på Vestlandet til både Innlandet og Austlandet. Vi får ei regionforstørring og den beste totalløysinga for ein eksportretta landsdel i omstilling. Grunngjevinga for Regjeringa sitt val av Rv. 52 over Hemsedalsfjellet som hovudstamveg mellom aust- og vestlandet var og er næringslivet sine behov for transport av gods på ein trygg, samfunnsøkonomisk, effektiv og miljøvenleg måte. Rv. 52 Tunnel Borlaug – Bjøberg Vegstrekninga er omtalt i KVU, Rv. 7 og Rv. 52. Tunnel gjennom Hemsedalsfjellet mellom Bjøberg og Borlaug er avgjerande for ein sikker fjellovergang mellom Austlandet og Vestlandet med nesten fullstendig vinterregularitet. Av den grunn er denne traseen førsteprioritet for Interesseutvalet for Rv. 52 og Rv. 5. Andre tiltak som må vurderast: Rv. 52 Planlegging av tiltak Gol-Robru Planlegging av ny veg mellom Gol - Robru må prioriterast for å få ut potensialet i sambandet aust-vest. Hovedfokuset må væra ein sikrare og meir miljøvenleg strekning for all trafikken og spesielt næringstrafikken. SVV har laga eit prospekt av Svenkerud-Gol og vidare Gol-Robru med eit kostnadsestimat på strekninga. Rv. 52 og Rv. 5 Planlegging av og investering i sentrumsløysingar frå Florø til Gol – herunder særskilt ny veg gjennom Hemsedal Meir ein 32% av trafikken over Hemsedalsfjellet er tungtrafikk. Gol, Hemsedal og tidlegare Sogn og Fjordane er blant landets største reiselivsdestinasjonar. Rv. 52 og Rv. 5 er tilførsel for desse reiselivsdestinasjonane som har om lag 1,3 mill. gjestedøgn. Trafikken og særskilt tungtrafikken hindrar i dag vidareutvikling av desse destinasjonane fordi tungtrafikken går gjennom sentrum. Ny løysing RV5/E39 rundt Førde sentrum vil gi monaleg betre trafikkflyt for både aust-vest og nord sør korridorane. Auka ramme til rassikring Rv. 52 med tilførselsvegane Rv. 5, E16 og E39 har fleire rasutsette strekningar, med lange omkøyringsvegar. Aktuelle strekningar er Rv. 5 mellom Førde og Naustdal og mellom Eikefjord og Florø. Skjervsura og Våtedalen på Rv. 5 og E39 er tekne med som prioriterte tiltak i NTP for 2024 – 2029. For å gje næringslivet og bilistane ein trygg og føreseieleg veg må ramma til rassikring aukast. Sluttord: Utfordringane denne vinteren viser at fjellovergangane er sårbare for både person- og næringstrafikk. Stans i trafikkflyten grunna dårleg ver gjev store ekstrakostnader og gjer næringslivet mindre konkurransedyktige. Ein tunnel gjennom Hemsedalsfjellet vil avhjelpe denne situasjon samtidig som det vil korte ned transporttid og gje betydelege miljøgevinstar blant anna grunna lågare kurvatur. Det er investert mykje i tilførselsvegane til Rv. 52, for eksempel opprusting av Flenjatunnelen og Gudvangentunnelen, bygging av ein 8,5 km lang rassikringstunnel på Rv. 5 i Kjøsnesfjorden, bygginga av ny Loftesnesbru i Sogndal og oppgradering av Rv. 5 og E39 Bjørset – Skei. Vi er glade for satsinga på dei nasjonale hovudferdselsårene, der hovudsambandet over Hemsedalsfjellet med utbetringar av Rv. 5 er ein viktig næringsveg frå kysten på Vestlandet til Austlandet er vedteken. Kommunane langs aksen frå Gol til Florø er òg glade for at det er løyvt planleggingsmidlar for 2020 til Rv. 52 Hemsedalsfjellet. Vi forventar at vidare oppfølging skjer ved at investeringsmidlar for Hemsedalsfjellet og tilførselsvegen Rv. 5 vert ein del av ny NTP 2022-2033. Med helsing Gol kommune Hemsedal kommune Lærdal kommune Sogndal kommune Sunnfjord kommune Kinn kommune Gloppen kommune Samferdselsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
