Nynorsk forum takkar for høvet til å levere høyringsfråsegn til ny universitets- og høgskulelov. Nynorsk forum er eit samarbeidsorgan for nynorske institusjonar, organisasjonar og bedrifter. Medlemen av forumet er samde om denne fråsegna. Desse medlemene er BUL i Oslo, Dag og Tid, Det Norske Samlaget, Det Norske Teatret, Jærmuseet/ Garborgsenteret, Kringkastingsringen, Landssamanslutninga av nynorskkommunar, Nasjonalt senter for nynorsk i opplæringa, Noregs Mållag, Noregs Ungdomslag, Norsk Barneblad, Norsk Målungdom, NRK Nynorsk mediesenter, Nynorsk avissenter, Nynorskfylket Vestland, Nynorsk kultursentrum og Nynorsk pressekontor. Vi konsentrerer høyringsinnspelet om tiltak for å styrkje norsk fagspråk.
Den nye lova er eit viktig høve til å syne at det regjeringa meiner om norsk fagspråk i Prop. 108 L (2019–2020) Lov om Språk (språklova) kan verte praksis ved universiteta og høgskulane. Revideringane av opplæringslova og universitets- og høgskulelova må vere med på å sikre hovudmåla i norsk språkpolitikk. I framlegget til språklov § 1 heiter det at det offentlege skal ta eit særleg ansvar for å bruke, utvikle og styrkje norsk språk, både bokmål og nynorsk, og språkpolitikken skal fremje reell jamstilling mellom dei to skriftspråka. Det vert også slått fast at det offentlege har eit særleg ansvar for å fremje nynorsk som det minst brukte språket. Dette inneber at konsekvensane og behova for nynorsk må verte vurdert særskilt i politikkutvikling og lovarbeid som gjeld norsk språk. UH-lova er ei av desse lovene, og forumet ventar at Kunnskapsdepartementet i endeleg framlegg til lov gjer ei særskilt vurdering av tiltak for å styrkje nynorsk i universitets- og høgskulesektoren.
§ 2-2 Ansvar for vedlikehold av norsk fagspråk.
Nynorsk forum er glade for at lovutvalet ønskjer å vidareføre ei eiga føresegn om ansvaret institusjonane har for å utvikle og vedlikehalde norsk fagspråk. Det er også positivt at merknadene til føresegna vert ført vidare. Både i denne NOU-en og i språklova har regjeringa vidt mykje plass til norsk fagspråk. Det meiner Nynorsk forum er nødvendig. For at vitskapane skal kunne kommunisere med folk flest må det vere eit levande og godt norsk fagspråk innafor alle fagområde.
På s. 71 i språklova argumenterer regjeringa godt for at universiteta og høgskulane må ta eit større ansvar for tilgangen på norske fagord og faguttrykk. Berre på den måten kan ein danne grunnlaget for fullverdig fagleg kommunikasjon på bokmål og nynorsk. Mangelen på dette er ein av dei største trugslane mot norsk fagspråk. Medlemskommunane i Landssamanslutninga av nynorskkommunar har meldt at ei av dei største utfordringane for nynorsk fagspråk i kommunal forvaltning og i møte med andre styresmakter og innbyggjarar er mangelen på oppdaterte ordlister med aktuelle ord og uttrykk frå engelsk og bokmål.
Det er viktig at universitet og høgskulane er med på å utvikle norske læremiddel, nettbaserte leksikonartiklar og tilgjengelege fagtermlister.
Nynorsk forum meiner § 2-2 første ledd må verte tydelegare og føreslår:
Universitet og høgskular har ansvar for å bruke, utvikle og gjere norsk fagspråk tilgjengeleg.
Nynorsk forum er også glade for at utvalet føreslår å utvide retten til eksamen på eige skriftspråk til å gjelde all høgare utdanning i Noreg, og ikkje berre offentlege institusjonar. Forumet er samde i å forankre dette i UH-lova i staden for i forskrift til Lov om målbruk i offentleg teneste. I tråd med framlegget til språklov bør ein oppdatere omgrepsbruken og nytte «norsk skriftspråk» i staden for målform
Norsk Målungdom får kvart år mange førespurnader frå studentar som ikkje får retten til eksamen på eige skriftspråk. Dette tyder på at fleire institusjonar manglar rutinar og kultur for å etterleve dette viktige språkkravet. Dette må vere institusjonane sitt ansvar, og kan gjerne verte påpeika i førarbeidet til lova.
Nynorsk forum viser også til kor viktig termlistar er for nynorskbrukande studentar. Desse er også ei gruppe som vil verte sterkare i eige språk om det er tilgjengelege oppdaterte termlistar på engelsk, nynorsk og bokmål på alle fagområde.
Nynorsk forum minner om at det er eit språkpolitisk mål, som er gjenteke i Prop. 108 L om at 25 prosent av lovene skal vere på nynorsk. Vi tilrår derfor at ny universitets- og høgskulelov vert lagt fram på nynorsk.
Den nye lova er eit viktig høve til å syne at det regjeringa meiner om norsk fagspråk i Prop. 108 L (2019–2020) Lov om Språk (språklova) kan verte praksis ved universiteta og høgskulane. Revideringane av opplæringslova og universitets- og høgskulelova må vere med på å sikre hovudmåla i norsk språkpolitikk. I framlegget til språklov § 1 heiter det at det offentlege skal ta eit særleg ansvar for å bruke, utvikle og styrkje norsk språk, både bokmål og nynorsk, og språkpolitikken skal fremje reell jamstilling mellom dei to skriftspråka. Det vert også slått fast at det offentlege har eit særleg ansvar for å fremje nynorsk som det minst brukte språket. Dette inneber at konsekvensane og behova for nynorsk må verte vurdert særskilt i politikkutvikling og lovarbeid som gjeld norsk språk. UH-lova er ei av desse lovene, og forumet ventar at Kunnskapsdepartementet i endeleg framlegg til lov gjer ei særskilt vurdering av tiltak for å styrkje nynorsk i universitets- og høgskulesektoren.
§ 2-2 Ansvar for vedlikehold av norsk fagspråk.
Nynorsk forum er glade for at lovutvalet ønskjer å vidareføre ei eiga føresegn om ansvaret institusjonane har for å utvikle og vedlikehalde norsk fagspråk. Det er også positivt at merknadene til føresegna vert ført vidare. Både i denne NOU-en og i språklova har regjeringa vidt mykje plass til norsk fagspråk. Det meiner Nynorsk forum er nødvendig. For at vitskapane skal kunne kommunisere med folk flest må det vere eit levande og godt norsk fagspråk innafor alle fagområde.
På s. 71 i språklova argumenterer regjeringa godt for at universiteta og høgskulane må ta eit større ansvar for tilgangen på norske fagord og faguttrykk. Berre på den måten kan ein danne grunnlaget for fullverdig fagleg kommunikasjon på bokmål og nynorsk. Mangelen på dette er ein av dei største trugslane mot norsk fagspråk. Medlemskommunane i Landssamanslutninga av nynorskkommunar har meldt at ei av dei største utfordringane for nynorsk fagspråk i kommunal forvaltning og i møte med andre styresmakter og innbyggjarar er mangelen på oppdaterte ordlister med aktuelle ord og uttrykk frå engelsk og bokmål.
Det er viktig at universitet og høgskulane er med på å utvikle norske læremiddel, nettbaserte leksikonartiklar og tilgjengelege fagtermlister.
Nynorsk forum meiner § 2-2 første ledd må verte tydelegare og føreslår:
Universitet og høgskular har ansvar for å bruke, utvikle og gjere norsk fagspråk tilgjengeleg.
Nynorsk forum er også glade for at utvalet føreslår å utvide retten til eksamen på eige skriftspråk til å gjelde all høgare utdanning i Noreg, og ikkje berre offentlege institusjonar. Forumet er samde i å forankre dette i UH-lova i staden for i forskrift til Lov om målbruk i offentleg teneste. I tråd med framlegget til språklov bør ein oppdatere omgrepsbruken og nytte «norsk skriftspråk» i staden for målform
Norsk Målungdom får kvart år mange førespurnader frå studentar som ikkje får retten til eksamen på eige skriftspråk. Dette tyder på at fleire institusjonar manglar rutinar og kultur for å etterleve dette viktige språkkravet. Dette må vere institusjonane sitt ansvar, og kan gjerne verte påpeika i førarbeidet til lova.
Nynorsk forum viser også til kor viktig termlistar er for nynorskbrukande studentar. Desse er også ei gruppe som vil verte sterkare i eige språk om det er tilgjengelege oppdaterte termlistar på engelsk, nynorsk og bokmål på alle fagområde.
Nynorsk forum minner om at det er eit språkpolitisk mål, som er gjenteke i Prop. 108 L om at 25 prosent av lovene skal vere på nynorsk. Vi tilrår derfor at ny universitets- og høgskulelov vert lagt fram på nynorsk.