Dato: 20.06.2019 Svartype: Med merknad Vest-Telemarkrådet vedtok samrøystes følgjande høyringsuttale til Særavgiftene på sjokolade- og sukkervarer og alkoholfrie drikkevarer i rådsssak 22/2019 av 21. mai 2019. Særavgiftene på sjokolade- og sukkervarer og alkoholfrie drikkevarer har råka mange verksemder i Noreg hardt, og den har råka skeivt. Dette har ført til velgrunna kritikk frå næringa over lengre tid. Dyrnesutvalet har kome fram til at avgiftene slår skeivt ut og medverkar til konkurransevriding og auka grensehandel. Dette bør føre til at avgiftene blir vesentleg redusert. Det er svært urimeleg at produkt som til dømes flaskevatn med kunstig smak og sukkerfri brus, vert avgiftsbelagt med ei sukkeravgift. Over 50% av produkta som blir avgiftsbelagt denne særavgifta inneheld faktisk ikkje sukker. Særavgifta på alkoholfrie drikkevarer har hatt særleg store konsekvensar for verksemder som Telemark Kildevann AS i Fyresdal kommune. Telemark Kildevann er Noregs største norskeigde produsent av brus og flaskevatn. Dei er eit godt døme på ei verksemd som har blitt tvungen til å nedbemanne som ein direkte konsekvens av særavgifta. Halvparten av dei 30 tilsette har mista jobben, noko som er svært alvorleg for ein distriktskommune som Fyresdal. Det er og viktig for likebehandling og konkurransesituasjonen at særavgiftane på alkoholfrie drikkevarer harmoniserast med avgiftene på sjokolade- og sukkervarer. Det at særavgiftene på sjokolade- og sukkervarer vart kutta i 2019-budsjettet, men ikkje særavgiftene på alkoholfrie drikker er ein særdeles uheldig og svært lite logisk næringspolitikk. I 2018 omsette Telemark Kildevann for omtrent 260 millionar kroner til den norske marknaden. Av dette utgjorde den norske særavgifta aleine omtrent 142 millionar kroner. Tilsvarande avgifter i Sverige er null. Dette viser kor høg denne særavgifta er, både målt i kroner og i høve til omsetninga. Regjeringa har ansvar for å gi føreseielege rammer som legg til rette for at norsk industri har gode vekstvilkår og er konkurransedyktig. Særavgifter på alkoholfrie drikkevarer resulterer i at utanlandsk drikkevareindustri overtar produksjonen av brus, flaskevatn og saft i den norske marknaden. Forbrukarar i dag er medvitne på pris. Netthandel gjer det enkelt å handle i utlandet. I tillegg medverkar "350-kronersregelen" til omfattande og landsdekkande netthandel for alle typar sukkervarer. Grensehandelen byr også på miljømessige utfordringar. Omtrent 35 millionar boksar som ikkje kan bli panta i Noreg skapar store meirkostnader når det gjeld avfallshandtering. I tillegg til nedlegging og nedbemanning kan dagens særavgift føre til at norske verksemder flyttar sin produksjon ut av Noreg for å få betre vekstvilkår. Orkla har allereie flytta produksjonen av Fun frå Noreg til Sverige. For mindre, norskeigde verksemder som Telemark Kildevann er det å flytte verksemda lite aktuelt. Desse verksemdene er avhengige av gode rammevilkår som gir norskproduserte varer livets rett. Vest-Telemarkrådet meiner dagens særavgifter på alkoholfrie drikkevarer og sjokolade- og sukkervarer bør bli redusert vesentleg, fordi dei rammer skeivt, medverkar til konkurransevriding, trugar norske arbeidsplassar og stimulerer til grensehandel. Særavgifta på alkoholfrie drikkevarer må harmoniserast med særavgifta på sjokolade- og sukkervarer. Dyrnes utvalet sitt fleirtall meiner at avgifta slik den er utforma i dag bør bli oppheva og bli erstatta av ei ny og helsebegrunna avgift som er differensiert etter innhaldet av sukker. Ei slik målretta avgift som blir differansiert etter nivået på sukkerinnhald kan om mogleg vera ei meir rettferdig løysing. Med venleg helsing Vest-Telemarkrådet Samarbeidsorgan for kommunane Vinje, Fyresdal, Tokke, Nissedal, Seljord og Kviteseid Finansdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
