Dato: 29.01.2025 Svartype: Med merknad Innspel til regelverket om innleige av arbeidskraft og konsulenttenester i IT-bransjen På vegne av Consulted AS ønskjer eg å kome med nokre synspunkt på regelverket som regulerer innleige av arbeidskraft og levering av konsulenttenester i IT-bransjen. Unntaket løyser ikkje kjernen i problemet Det foreslåtte unntaket rettar seg ikkje mot dei eigentlege utfordringane for mindre aktørar i IT-bransjen. I praksis er innleige den vanlege måten å levere tenester på i norsk IT-sektor, medan oppdragsavtalar spelar ei mindre rolle. Dette bør speglast i regelverket. Skeiv konkurranse for éinpersons-AS IT-konsulentar som driv éinpersons-AS, må kunne tilby tenester på innleigebasis. Dersom dei berre får levere oppdrag, skaper det eit konkurransefortrinn for større konsulenthus, som ofte er eigde av utanlandske selskap, som Sopra Steria og Knowit. Ei slik avgrensing kan føre til at små aktørar vert pressa inn i faste stillingar i større selskap, med lågare lønn og mindre fridom. I verste fall kan det gjere at fleire fell utanfor arbeidsmarknaden. Negative konsekvensar for norske gründerar og verdiskaping Dersom éinpersons-AS ikkje får levere konsulenttenester på lik linje med større aktørar, risikerer vi at både kompetanse og verdiskaping forsvinn ut av landet. Dette vil også gjere det mindre attraktivt å starte eiga verksemd, noko som svekkjer innovasjon og konkurransekraft i Noreg. I dag er mange av dei store konsulenthusa utanlandskeigde. Arbeidsform og risiko Som eigar av eit éinpersons-AS verdset eg den fridomen og fleksibiliteten det gir å drive for meg sjølv. Fast ansetjing er ikkje noko eg ønskjer. Eg er fullt klar over den risikoen som følgjer med, men ser likevel fleire fordelar med denne arbeidsforma. Regelverket bør leggje til rette for at fleire kan velje denne vegen, i staden for å tvinge dei inn i faste tilsetjingar dei ikkje ønskjer. Uklarheit i regelverket Dagens reglar for innleige er både kompliserte og dårleg forståtte. Mange trur feilaktig at konsulentselskap må vere godkjende bemanningsføretak for å kunne tilby tenester, sjølv når dette ikkje er naudsynt. Klarare retningslinjer og betre informasjon er avgjerande for å sikre at små aktørar får rett behandling. Innleigeforbodet slår feil ut for éinpersons-AS og ENK Målet med innleigeforbodet var å sikre betre vilkår for arbeidstakarar og fremje faste stillingar. Men for éinpersons-AS er ikkje dette relevant, sidan mange i denne kategorien alt har langt betre vilkår enn fast tilsette i bransjen. Både fleksibilitet, inntektspotensial og moglegheita for sjølvstendig styring gjer denne arbeidsforma attraktiv. Å hindre éinpersons-AS i å operere på innleigebasis går dermed imot intensjonen bak regelverket og rammar dei som medvite har valt denne modellen for betre vilkår og større fridom. Eg oppmodar difor om at regelverket vert tilpassa dei særskilde tilhøva i IT-bransjen, slik at små aktørar og éinpersons-AS får like moglegheiter til å konkurrere og bidra til verdiskapinga i Noreg. Med venleg helsing Arbeids- og inkluderingsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
