Ikkje gløym språket Dato: 22.02.2018 Svartype: Med merknad Innspel frå Kringkastingsringen til høyringsnotat med innspelsfrist 23.02.2018 Kringkastingsringen har lese Høringsnotat – ”Forslag til endringer med lov om Kringkasting og audiovisuelle bestillingstjenester med tilhørende forskrifter” og me har følgande merkander: Til punkt 3 . ”Kringkastingsrådet/klager over NRKs programvirksomhet” Me har følgjande innspel til punkt 3.6 om samansetninga og oppnemning av Kringkastingsrådet: Me legg merke til at departementet skriv at ”Dersom Kringkastingsrådet skal kunne gi gode råd og fremstå med legitimitet bør det fremstå som representativt og med en viss kompetanse og faglig tyngde.” Når departementet vidare gjer framlegg om at Kringkastingsloven endrast slik at det ”tilstrebes at Kringkastingsrådet på den ene side er så representativt som mulig når det gjelder kjønn, alder og bosted, og på den annen side at rådet skal ha medlemmer med kompetanse og erfaringsbakgrunn fra de områdene Kringkastingsrådet skal behandle” meiner me at departementet bør presisere kva kompetanse det gjeld. NRK har eit stort samfunnsansvar, der god språkføring tek ein stor del. Difor bør det sitje ein språkleg fagkyndig i Kringkastingsrådet. Språkleg kompetanse bør eksplisitt kome til uttrykk i loven. Til punkt 5 . ”Tilgjengeliggjøring for personer med funksjonsnedsettelse” Me ønskjer at departementet tek med seg at det er viktig med høg kvalitet på tekstinga. Personar med funksjonsnedsettingar har minst like stort behov for eit godt og føremålstenleg produkt som andre. Tekstinga skal vere fagleg god. I tillegg må ein presisere at det skal tekstast på båe målformer – nynorsk og bokmål. Uavhengig av livssituasjon bør ein kunne få tilbod om teksting på båe dei offisielle målformene i Noreg. Dette gjeld all tekst som vert produsert av kringkastararane. I program der majoriteten av det talte språket anten er normert nynorsk eller nynorsknære dialekar bør kringkastararane ha ei plikt til å tekste på nynorsk. Kultur- og likestillingsdepartementet Til høringen Til toppen
