Høringsuttalelse - endringar i verjemålsforskrifta § 26 - hevinga av beløpsgrensa for når Fylkesmannen skal forvalte midlar tilhøyrande personar med verje Dato: 23.01.2018 Svartype: Med merknad Vi viser til Justis- og beredskapsdepartementet sitt brev av 27.10.2017 Forslag til endring i vergemålsforskriften §26 - heving av beløpsgrensen for når Fylkesmannen skal forvalte midler tilhørende personer med verge. Høyringsfristen er sett til 24. januar 2018. Fylkesmannen i Hordaland er skeptisk til heving av beløpsgrensa. Ei auke av beløpsgrensa meiner vi vil gje ei større moglegheit for mishald og underslag av midlar for både mindreårige og vaksne under verjemål. Dei fleste avvik som avdekkast ved kontroll av verjerekneskap, gjeld økonomiske forhold. Avvika kan vere samanblanding av økonomi mellom verjehavar og verje, verje som "lånar" av verjetrengande sine midlar, eller utdeling av gåver eller forskot på arv, utan samtykke frå Fylkesmannen. Fylkesmannen kontrollerer berre 15% av alle verjerekneskap etter uttrekk frå Statens Sivilrettsforvaltning. Ei auke av beløpsgrensa for vaksne kan føre til auka misbruk på verjekonti i takt med ei beløpsgrense frå 2G til 4G. Verjer for mindreårige vil med auka beløpsgrense kunne auke risikoen for tap av den mindreårige sine midlar. Fylkesmannen har ikkje tilgang til skattedata og vil difor ikkje kunne føre tilsyn og kontroll med at den mindreårige sin formue er intakt. Det går fram av høyringsnotatet at hovudformålet med forslaget er å " legge til rette for at foreldre kan spare mer til egne barn uten at midlene skal forvaltes av fylkesmannen ". Fylkesmannen i Hordaland meiner vi i staden for å sjå på auke beløpsgrensa heller burde sjå på meir fleksible og betre bankløysingar. Vi finn ikkje at det er godt nok gjort greie for behovet og finn at ei slik radikal endring vil føre til høgre misbruk av midlar. Dersom beløpsgrensa likevel skal justerast meiner Fylkesmannen i Hordaland at grensa ikkje bør vere høgre enn 3 G. Justis- og beredskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
