Nydyrking av myr Dato: 12.09.2017 Svartype: Med merknad Bjerkreim Bondelag vil gi motsegn til forbod mot nydyrking av myr. Me ynskjer at myr vert sett på som det potensielle matproduserande arealet det faktisk er. I staden for å leggja ned forbod må ein heller sjå etter løysingar. Er der måtar å gjera inngripen i myra meir miljøvennleg f.eks. Det vert feil å la myrane som kan dyrkas liggja ubenytta i ei tid der kravet om auka matproduksjon aukar, der arealgrunnlaget for den enkelte gard er viktig for framtida på garden. Bjerkreim Bondelag vil heller spela inn at det vert auka fokus på nydyrking, myr inkludert. Auka fokus, stimulering og tilrettelegging for massiv nydyrking vil vera positivt for Norge. Klimagassutslippa frå myra må sjåst på som ei utfordring ein finn løysing på, evt finn måtar å begrensa det på. Løysinga her er ikkje ved forbod. Bjerkreim Bondelag vil i den vidare prosessen be om at desse klimagassutslippa vert sett i forhold til andre utslipp. Er det på nydyrking av myr, som vil gi meir matproduksjon, Norge skal begrensa sine utslipp? Er der ikkje andre måtar landet kan redusera sine klimagassutslipp på utan at det legg begrensingar på ei livsviktig næring? Bjerkreim Bondelag vil og presisera at eit forbod vil ramma jordbruket i distrikta. Areala som ligg som potensielt nydyrkingsområde på mange av distriktsgardane er klassifisert som myr. Bjerkreim Bondelag vil be om at eit forbod mot nydyrking av myr vert skrinlagt. Landbruks- og matdepartementet Til høringen Til toppen
