Kommersiell allmennkringkastar
TV2 har vore og er viktig for det språklege mangfaldet i Noreg. Den kommersielle allmennkringkastaren må framleis ha krav på seg til å ha hovudkontor i Bergen og nytte nynorsk. Det gjeld også på heimesidene der redaksjonen i dag berre nyttar bokmål.
Nynorskmiljøet i Førde
Med mediehusa og opplæringsinstitusjonane NRK Sogn og Fjordane/NRK Nynorsk mediesenter og Firda Media/Nynorsk avissenter, har Førde det største og sterkaste redaksjonelle nynorskmiljøet i landet.
Firda er Norges største dagsavis som nyttar nynorsk. Og NRK Sogn og Fjordane står for drygt 40% av nynorskartiklane på nrk.no. I tillegg produserer NRK Sogn og Fjordane seriar som er blitt sentrale i NRK Super si satsing på nynorsk og dialektar.
Samarbeidet mellom Firda og NRK ønskjer begge å utvikle vidare. I tillegg til praktikantopplæringa, er det grunnlag for språkopplæring og etterutdanning av etablerte journalistar og redaktørar, til dømes i form av kurs og netthjelp som vil gjere det enklare og meir attraktivt å bruke nynorsk.
Vi kan med andre ord byggje opp eit endå sterkare kompetansesenter for nynorsk som mediespråk. Ei mogleg samlokalisering av NRK Sogn og Fjordane og Firda Media vil legge endå betre til rette for dette.
I den nye «Handlingsplan for nynorsk 2017-2018» for NRK er det sett opp ei rekkje tiltak for å sikre meir og betre nynorsk i NRK i framtida. Der står det at NRK Nynorsk mediesenter si rolle som kompetansesenter skal utgreiast, ved at «Det skal vurderast om Nynorsk mediesenter i tillegg til rekruttering også skal ha ansvar for språkleg kompetanseutvikling».
Erfaringane etter fire års drift i Nynorsk avissenter, er at mange avisredaktørar og -journalistar treng og ønskjer meir opplæring i nynorsk. Dette gjeld særleg i språkblanda redaksjonar, i redaksjonar i landsdelar der nynorsken er under sterkt press, og i nynorskredaksjonar der redaktørar og/eller journalistar har bokmålsbakgrunn. Nynorsk avissenter har i dag eit tilbod om kurs for etablerte journalistar, men med berre éi stilling er det avgrensa kor mange ein rekk over.
Det er viktig at NRK Nynorsk mediesenter og Nynorsk avissenter får pengar og oppgåver til å utvikle seg vidare.
Uavhengig av arbeidet i Førde, må dei tradisjonelle utdanningsinstitusjonane i journalistikk legge større vekt på journalistikk på nynorsk. I dag er det minimalt, trass i at mange journalistar skal nytte nynorsk i jobben. Dette er noko Kunnskapsdepartementet og Kulturdepartementet bør sjå nærare på.
Firda er Norges største dagsavis som nyttar nynorsk. Og NRK Sogn og Fjordane står for drygt 40% av nynorskartiklane på nrk.no. I tillegg produserer NRK Sogn og Fjordane seriar som er blitt sentrale i NRK Super si satsing på nynorsk og dialektar.
Samarbeidet mellom Firda og NRK ønskjer begge å utvikle vidare. I tillegg til praktikantopplæringa, er det grunnlag for språkopplæring og etterutdanning av etablerte journalistar og redaktørar, til dømes i form av kurs og netthjelp som vil gjere det enklare og meir attraktivt å bruke nynorsk.
Vi kan med andre ord byggje opp eit endå sterkare kompetansesenter for nynorsk som mediespråk. Ei mogleg samlokalisering av NRK Sogn og Fjordane og Firda Media vil legge endå betre til rette for dette.
I den nye «Handlingsplan for nynorsk 2017-2018» for NRK er det sett opp ei rekkje tiltak for å sikre meir og betre nynorsk i NRK i framtida. Der står det at NRK Nynorsk mediesenter si rolle som kompetansesenter skal utgreiast, ved at «Det skal vurderast om Nynorsk mediesenter i tillegg til rekruttering også skal ha ansvar for språkleg kompetanseutvikling».
Erfaringane etter fire års drift i Nynorsk avissenter, er at mange avisredaktørar og -journalistar treng og ønskjer meir opplæring i nynorsk. Dette gjeld særleg i språkblanda redaksjonar, i redaksjonar i landsdelar der nynorsken er under sterkt press, og i nynorskredaksjonar der redaktørar og/eller journalistar har bokmålsbakgrunn. Nynorsk avissenter har i dag eit tilbod om kurs for etablerte journalistar, men med berre éi stilling er det avgrensa kor mange ein rekk over.
Det er viktig at NRK Nynorsk mediesenter og Nynorsk avissenter får pengar og oppgåver til å utvikle seg vidare.
Uavhengig av arbeidet i Førde, må dei tradisjonelle utdanningsinstitusjonane i journalistikk legge større vekt på journalistikk på nynorsk. I dag er det minimalt, trass i at mange journalistar skal nytte nynorsk i jobben. Dette er noko Kunnskapsdepartementet og Kulturdepartementet bør sjå nærare på.
Nynorske tiltak
Fleire tiltak som fremjar nynorsk som pressespråk får i dag støtte over statsbudsjettet og må sikrast vidare. Det gjeld vekeavisa Dag og Tid som vann Fritt Ords pris i år, Norsk Barneblad som har fornya seg og er viktig for tusenvis av born med nynorsk som hovudmål. Nynorsk pressekontor (NPK) leverer byråstoff til over 40 aviser, og pressekontoret leverer mange artiklar til nynorske og språkblanda aviser. Vinjefondet, forvalta av Nynorsk kultursentrum, er med å utvikle og fornye journalistikk på nynorsk. Løyvingar frå Vinjefondet var avgjerande for etableringa av Nynorsk avissenter. Vinje-senteret i Telemark er på trappene om vert eit formidlingssenter for nynorsk dikting og journalistikk.
Ivar Myklebust Longvastøl, leiar Nynorsk avissenter
Magni Øvrebotten, leiar NRK Nynorsk mediesenter
Yngve Årdal, redaktør og dagleg leiar i Firda Media
Terje Gilleshammer, distriktsredaktør NRK Sogn og Fjordane
Ivar Myklebust Longvastøl, leiar Nynorsk avissenter
Magni Øvrebotten, leiar NRK Nynorsk mediesenter
Yngve Årdal, redaktør og dagleg leiar i Firda Media
Terje Gilleshammer, distriktsredaktør NRK Sogn og Fjordane