v/sorenskrivar Håkon Rastum
Lovfesting av tingrettane og deira faste rettsstadar
Hordaland tingrett støttar det meste av forslaget om lovfesting, og har ingen merknadar til forholdet mellom lov og forskrift.
Det blir føreslått at rettsstaden må namngjevast med kommunen sitt namn, og ikkje ein meir avgrensa geografisk stad. Rettsstad Lofthus vil då bli gjeven namnet rettsstad Ullensvang. Rettsstad Lofthus har i dag lite hensiktsmessige domstollokale i sorenskrivargarden. Brukar ein omgrepet rettsstad Ullensvang (som er kommunen Lofthus ligg i) kan ein utan lovendring få nye og betre lokale, om nødvendig andre stader i Ullensvang kommune.
Hordaland tingrett føreslår at forslaget Hardanger tingrett blir endra til Hardanger og Voss tingrett. Det tek omsyn til at det er ein større rettskrets enn tidlegare Hardanger tingrett, og skildrar betre det nye distriktet sitt omfang. Det tek òg vare på historiske tradisjonar, med at det frå om lag 1690 til 1918 var eitt Hardanger og Voss sorenskrivarembete.
Hordaland tingrett støttar at tingretten med rettsstad Bergen framleis skal heite Hordaland tingrett. Dei aller fleste innbyggjarane i Hordaland bur i den rettskretsen, og den alt overvegande delen av sakene i Hordaland blir avgjort av nye Hordaland tingrett. Eit unødvendig namneskifte kostar både tid og pengar. Namnet på rettsstaden vil framleis vere Bergen. Det å namngje tingrettar etter kommunen/bydomstolen sine faste kontorlokale er plassert i (her: Bergen), som vart gjort i nokre tilfelle tidlegare, er mindre aktuelt etter at ein no i tillegg har byrja å namngje rettsstadane.
Opptak med lyd- og bilete
Vi har ingen merknadar til forslaget om tilgang til avspeling av opptak med lyd- og bilete i ankeinstansen.
Hordaland tingrett støttar forslaget til endringar i ELSAM-forskrifta og salærforskrifta om digitalt salærskjema for tolkar og sakkunnige. Vi vil føretrekkje alternativ 1, forslaget om at alle med rett til salær skal levere spesifiserte timelister saman med arbeidsoppgåva når dei set fram salærkrav.
Hordaland tingrett støttar det meste av forslaget om lovfesting, og har ingen merknadar til forholdet mellom lov og forskrift.
Det blir føreslått at rettsstaden må namngjevast med kommunen sitt namn, og ikkje ein meir avgrensa geografisk stad. Rettsstad Lofthus vil då bli gjeven namnet rettsstad Ullensvang. Rettsstad Lofthus har i dag lite hensiktsmessige domstollokale i sorenskrivargarden. Brukar ein omgrepet rettsstad Ullensvang (som er kommunen Lofthus ligg i) kan ein utan lovendring få nye og betre lokale, om nødvendig andre stader i Ullensvang kommune.
Hordaland tingrett føreslår at forslaget Hardanger tingrett blir endra til Hardanger og Voss tingrett. Det tek omsyn til at det er ein større rettskrets enn tidlegare Hardanger tingrett, og skildrar betre det nye distriktet sitt omfang. Det tek òg vare på historiske tradisjonar, med at det frå om lag 1690 til 1918 var eitt Hardanger og Voss sorenskrivarembete.
Hordaland tingrett støttar at tingretten med rettsstad Bergen framleis skal heite Hordaland tingrett. Dei aller fleste innbyggjarane i Hordaland bur i den rettskretsen, og den alt overvegande delen av sakene i Hordaland blir avgjort av nye Hordaland tingrett. Eit unødvendig namneskifte kostar både tid og pengar. Namnet på rettsstaden vil framleis vere Bergen. Det å namngje tingrettar etter kommunen/bydomstolen sine faste kontorlokale er plassert i (her: Bergen), som vart gjort i nokre tilfelle tidlegare, er mindre aktuelt etter at ein no i tillegg har byrja å namngje rettsstadane.
Opptak med lyd- og bilete
Vi har ingen merknadar til forslaget om tilgang til avspeling av opptak med lyd- og bilete i ankeinstansen.
Hordaland tingrett støttar forslaget til endringar i ELSAM-forskrifta og salærforskrifta om digitalt salærskjema for tolkar og sakkunnige. Vi vil føretrekkje alternativ 1, forslaget om at alle med rett til salær skal levere spesifiserte timelister saman med arbeidsoppgåva når dei set fram salærkrav.