Høyringssutale - asylsøkjarsituasjonen Dato: 01.11.2016 Svartype: Med merknad Høyringsuttale - asylsøkjarsituasjonen Arbeids- og sosialdepartementet (ASD) har sendt ut på høyring forslag til endringar i trygderegelverket i lys av asylsøkjarsituasjonen. Regjeringa varsla i Prop. 1 S Tillegg (2015 – 2016) at ho ville utgreie ei rekke spørsmål knytt til trygderettigheitene til asylsøkjarar og flyktningar. ASD har i samråd med Barne- og likestillingsdepartementet fremja forslag til flere endringar i folketrygdlova, kontantstøttelova og Lov om supplerende stønad til personer med kort butid i Norge. Kort samandrag av dei føreslegne endringane: Dei særskilde bestemmelsane som gjev uføre flyktningar og flyktningar over 67 år fulle minsteytelsar, skal erstattast av ordninga med supplerande stønad. Flyktningar (dvs personar som har fått innvilga opphald etter utlendingelova §28) har vore omfatta av særskilde bestemmelsar i høve arbeidsavklaringspengar, stønad til einsleg mor eller far og grunn- og hjelpstønad. Framlegget går ut på at flyktningane skal no handsamast på lik linje med andre grupper, som f.eks dei som får opphald på humanitært grunnlag. Kravet om butid for rett til pensjon, arbeidsavklaringspengar, uføretrygd og stønad til einsleg mor eller far skal aukast frå 3 år til 5 år. Kontantstøtte som ikkje har hatt krav til butid, skal ha krav om 5 år butid. Supplerande stønad: Mellombels opphald i utlandet vert redusert frå 90 til 45 dagar og NAV skal skjerpe kontrollen i desse sakene ved å auke ta innkallingar til samtale\kontroll frå 2 til 4 ganger i året. Askvoll kommune meiner at desse innskjerpingene vil kunne få store økonomiske konsekvensar for kommunen. Introduksjonsstønaden opphøyrer etter 2 eller evt 3 år. Vi veit at mange ikkje kjem i arbeid i løpet av introduksjonsperioden og vil trenge støtte til livsopphald. Ved krav om 5 års butid for å få rett til dei ulike statlege ytingane, skyv ein meir av ansvaret over til kommunane. Utgiftene til økonomisk sosialhjelp vil auke, og det vil verte meir arbeidskrevjande for dei tilsette fordi dei må handtere fleire førespurnadar og søknader. Arbeids- og inkluderingsdepartementet Til høringen Til toppen
