Dato: 12.12.2024 Svartype: Med merknad Høyringssvar – Forslag til endringer i vergemålsloven og vergemålsforskriften – ny modell for godtgjøring til verger mv. Vi viser til Justis- og beredskapsdepartementet brev av 16. september 2024, der høyringsnotatet Forslag til endringer i vergemålsloven og vergemålsforskriften – ny modell for godtgjøring til verger mv. vart sendt på høyring. Stiftelsestilsynet er tillagt oppgåver når det gjeld endring/oppheving av bandlagt arv/gåver og private beslagsforbod, samt oppnemning av tillitsmann for forvaltninga av slike midlar. Bakgrunnen for vårt innspel til høyringa, er erfaringar vi har gjort oss under arbeidet med desse oppgåvene. Det ligg i desse sakenes natur at personar som mottek gåver og arv som er bandlagte/beslagsfrie, og ofte har behov for verje. Vi minner om at verje og tillitsmann er to heilt ulike roller, regulert i ulike regelverk. Når midlar er bandlagde/beslagsfrie, får eigaren av midlane ofte berre utbetalt avkastninga til fri bruk, sjå om dette det rettslege utgangspunktet i dekningsloven § 3-7. Sjølv om det på papiret kan sjå ut som person har midlar utover inntekts- og formuesgrensa, er det ikkje nødvendigvis slik at desse midlane kan brukast til å dekke godtgjering og utgifter til verja. Det er derfor viktig at ei vurdering av inntekts- og formuesgrensa, ikkje berre bygger på dei faktiske verdiane personen eig, men at det vert gjort ei konkret vurdering i kvart tilfelle i høve til om vedkomande har tilstrekkeleg med frie midlar som kan brukast til godtgjering av verja. Justis- og beredskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
