Høyring - forskrift om tilskot til tiltak i utvalde kulturlandskap og verdsarvområder - innspel frå Felles Landbrukskontor ÅLA Dato: 11.04.2016 Svartype: Med merknad Aurland, 08.04.2016 Landbruks- og matdepartementet Vår ref. Dykkar ref. Sakshandsamar Arkiv 2016000427-2 Magnhild Aspevik, 57641223 K2 - C52, K2 - V08, K3 - &00 Høyring - forskrift om tilskot til tiltak i utvalde kulturlandskap og verdsarvområder Syner til forskrift som er på høyring; «Forskrift om tilskudd til tiltak i Utvalgte kulturlandskap i jordbruket og verdsarvområdene Vegaøyan og Vestnorsk fjordlandskap.» Felles Landbrukskontor ÅLA (kommunane Årdal, Lærdal og Aurland) har fylgjande innspel: §2 Det må komma tydleg fram kvar tilskotsordninga gjeld. Slik det er formulert må alle område vera innlagt i Naturbase. Dette er ikkje presist nok, då det pr no ikkje er alle områda i Vestnorsk Fjordlandskap – Nærøyfjordområde som er lagt inn her. Det er viktig at ordninga held fram å gjelda alle som driv aktivt landbruk innanfor område som er innskrive på UNESCO si verdsarvliste. Dette er og eit av formåla i forskrifta. §4 Det er viktig at midlane som er sett av til dei som driv landbruk i verdsarvområda ikkje vert nytta til kulturminne og ferdsel. Det er avgjerande for det aktive landbruket i Nærøyfjordområdet at noverande tilskotssatsar vert vidareført og helst auka. Midlane bør øyremerkast; ein pott til landbruk og ein pott til kultur/ferdsel/andre formål. §5 Dei som driv aktivt landbruk i Nærøyfjordområde har avtalar om skjøtsel med Fylkesmannen i Sogn og Fjordane. Tilskot vert utrekna frå tal som er søkt på i Produksjonstillegg og Regionalt miljøprogram. Det er viktig for desse gardbrukarane at den nye ordninga vert så «lite byråkratisk» som muleg. Noverande ordning har fungert på ein god måte med avtalar som er i tråd med utarbeida skjøtselsplanar for kvart gardsbruk. Dersom denne forskrifta skal gjelda for dei årlege driftsmidlane til verdsarvbøndene, tilrår vi at det vert felles søknad med Produksjonstillegg og Regionalt miljøprogram. Går det t.d. an å ha eit ekstra kryss/avmerking for søknad om skjøtsel i verdsarvområda? På denne måten vert det og lettar for forvaltninga å kontrollera søknadsopplysningar og det vert utbetaling automatisk og samla med dei andre utbetalingane. Det er svært uheldig og etter vår oppfatning, ikkje i tråd med formålet i forskrifta, dersom gardbrukarane må levere sluttrekneskap for årleg drift. Dette er uheldig både for landbruket i for verdsarvområda og for utvalde kulturlandskap i jordbruket. Det bør utarbeidast eige skjema for andre tiltak enn årleg skjøtsel med ein høveleg søknadsfrist. For slike tiltak vil det vere naturleg med budsjett, gjennomføringsplan og sluttrekneskap. Investeringsmidlar Kva med midlar til investeringar til tiltak i samband med landbruk i verdsarvområda? Kjem slike tiltak inn under denne ordninga? I so fall må det settast av øyremerka budsjettmidlar til investeringar for landbruket i verdsarvområda. Med helsing Magnhild Aspevik landbrukssjef Landbruks- og matdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
