Dato: 10.11.2024 Svartype: Med merknad Årdal Kjemiske Fagforening avdeling 157 i Forbundet Styrke (IndustriEnergi) Høyringssvar til Statnett si konseptvalutredning for Indre Sogn Årdal Kjemiske Fagforening vil gjerne komme med innspel til Statnett si konseptvalutredning for Indre Sogn. Dette fordi det er ein så stor del av rammevilkåra for vår bedrift, for vidare drift i det grøne skiftet, konkuranseevna vår, forsyningstryggleiken av kraft, og vidareutviklinga av vår aluminiumsproduksjon til null i karbonfotavtrykk, at me finn det naturleg å ville seie nokre ord om konsepta. Det kan og hende ei større og betre linje gjer det mogeleg for vår bedrift å bygge ut produksjonen for å sikre rein, berekraftig aluminiumsproduksjon på fornybar kraft, nye 75 år i Årdal. Håpet er der, og me jobbar aktivt for at det kan bli framtida vår. Skal me så satse langsiktig, sikre oss at naturen og industrien lever saman i uoverskueleg framtid, og ha reint, mangfaldig miljø rundt oss, på arbeid så vel som i fritid, så meinar me at hensynet til naturen må vere vektig, og riktig. Difor syns me i ÅKF at konsept 2.3 er det beste alternativet for Årdal. Då kjem sjølvsagt kostnadar inn i biletet. Me støttar difor sjølvsagt konklusjonen i rapporten om at Hydro, som ein av dei som har bedt om denne konseptvalutredninga, er tydelege på at denne utbygginga av nettet er naudsynt for utviklinga av deira industri i Årdal, og vel verdt kostnaden på lang sikt. Elles ingen merknadar Torleif Sand Leiar Årdal Kjemiske Fagforening Energidepartementet Til høringen Til toppen
