Dato: 20.10.2024 Svartype: Med merknad Høyringsuttale frå Hallingdal Folkehøgskule - framlegg til endringar folkehøgskulelova og forskrift til folkehøgskulelova Styret i Hallingdal Folkehøgskule drøfta i styremøte sak 126-2024 23. sept 2024 1 Formål Vi stør ikkje alle endringane i denne paragrafen, men vil avgrense til følgjande: Folkehøgskulen sitt formål er å fremje allmenndanning og folkeleg opplysning, aktivt medborgarskap og menneskeverd. Den enkelte skulen har ansvar for å fastsette sitt verdigrunnlag innanfor denne ramma. 2c Folkehøgskolens organisering Vi stør ikkje denne paragrafen Her bør det seiast kraftig ifrå! Det blir foreslått at private folkehøgskolar skal vera aksjeselskap eller stiftingar. Vi er nå etablert som foreining etter råd frå Brønnøysund, det fungerer bra. For Hallingdal Folkehøgskule sin del vil kostnaden med omgjering av eigarform utgjere eit vesentleg beløp i ein elles særs svært krevjande skulekvardag. Kostnader til juridisk bistand og bistand frå revisor, takst fast av eigedom, omregistrering av køyrety og ikkje minst dokumentavgift, som for vår del vil utgjere ca kr 550.000. Totalt sett ser vi for oss ein kostnad estimert til kr 750.000. Dette er midlar skulen ikkje har i dag. Så til det prinsipielle: Skulen var i si tid reist av eit høgskule lag, og i 1959 sto Hallingdal Folkehøgskule ferdig, etter ein lang periode på om lag 30 år frå dei fyste tankane om ein folkehøgskule i Hallingdal vart lansert. Hallingdal Høgskulelag sto for drifta i femti år, frå 1959 og april 2019, då eigarlaget vart tilrådd å gjere eigarlaget om til ei foreining. Vi kan på ingen måte stø framlegget som inneber krav om endring i eigeform for folkehøgskulane. I tillegg til dei store økonomiske og organisatoriske kostandane dette medfører, meiner vi det ikkje er godt nok argumentert for at det må iverksetjast såpass store endringar. Krav til kontroll og openheit kan regulerast i lovteksten. 2h Opptak av elevar Vi stør ikkje denne paragrafen. Opptaksstart skal framleis regulerast av skulane sjølve 4 Elevbetaling Vi stør ikkje at departementet kan gi forskrift om maksimal elevbetaling 5 Kurs Vi stør ikkje endringar i denne paragrafen Det blir foreslått at elevar kan ta vidare opplæring som ein del av kursopplegget utan at det er i strid med eksamensfriheit. Dette er nettopp i strid med eksamensfriheit. Skulane blir bundne til å undervise etter eit pensum pålagt av andre. Om eksamen blir halden utafor skulen, spelar ingen rolle. Dette er i strid med den pedagogiske fridomen til skuleslaget. Neste punkt det må reagerast mot gjeld offentleg tilgjengelege kursplanar. Det vil vera ei uting i folkehøgskolen. Sjølvsagt har den enkelte laga planar for opplegget sitt. Men ikkje sjeldan kan ein lærar i samråd med den aktuelle elevgruppa bli einige om å endre kursretninga. Punktet om at studiereiser skal setjast inn i ein pedagogisk samanheng er greitt å få inn i lova. 9 Forsøksverksemd Vi stør intensjonen i denne paragrafen Forsøka må liggje innan for det pedagogiske grunnlaget for folkehøgskolen Iverksetting av lova Ny lov kan ikkje blir sett i verk før tidlegast hausten 2026 Kunnskapsdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
