Dato: 01.07.2025 Svartype: Med merknad Dette er ei løysing med ein svart og ein brun sko. Som gründer sjølv, i ei næring som Noreg har enorme globale fortrinn for å lukkast i, so blir eg nysgjerrig på kvifor ein føretrekk utlandske eigarar av bedriftene våre. I Kelpinor lagar vi jordforbetringsmidlar for Sør-Europeisk landbruk ved hjelp av norsk tang og tare. Eg gler meg til at selskapet vårt går i overskot og selskapet kan betale skatt av gevinst, sponse lokale lag og foreningar. Etter å ha flytta til Gildeskål i Nordland, so har eg god grunn til å tru at lokale eigarar av selskap har ei enorm lyst og evne til å stimulere samfunnsoppbygging. At dykk ikkje fjernar skatt på arbeidande kapital har eg innsett at ikkje handlar om verken inkompetanse eller at vi snakkar rundt einannan. Eg får meir og meir oppfatninga av at dette handlar om ei arroganse knytt til ein ideologi - der det beste er om vi ikkje belønnar endring, verdiskaping eller å halde på pionerar. Fordi norske eigarar og små/mellomstore bedrifter ikkje klarer å håndtere skatten, so føreslår dykk å gjere det om til eit "lån" med 9% (!!!) renter? Dette er som å pisse i buksa ein kald vinterdag. Dette er som ei løysing med ein svart og ein brun sko. Beste helsing, Hermann Peter Schips tlf: 468 22 092 Finansdepartementet Til høringen Til toppen <div class="page-survey" data-page-survey="133" data-page-survey-api="/api/survey/SubmitPageSurveyAnswer" data-text-hidden-title="Tilbakemeldingsskjema" data-text-question="Fant du det du lette etter?"
